All posts by Arthur C Clarke Institute for Modern Technologies

image2

2019 වසර රාජකාරී කටයුතු ආරම්භ කිරීම

2019 වර්ෂයේ රාජකාරී කටයුතු ඇරඹීම වෙනුවෙන් පැවැත්වුණු  විශේෂ වැඩසටහන සභාපතිතුමාගේ සහ වැඩ බලන අධ්‍යක්ෂ ජනරාල් තුමියගේ ප්‍රධානත්වයෙන් 2019 ජනවාරි 01 වන දින පෙ.ව.9.00 ආතර් සී.ක්ලාක්  ආයතන පරිශ්‍රයේදී පැවැත් වූ අතර එහි අවස්ථා පහත දැක්වේ.

astronomy181220image28

තාරකා විද්‍යා වැඩමුළුව – 2018

නවීන තාක්ෂණය පිළිබඳ ආතර් සී ක්ලාක් ආයතනයේ තාරකා විද්‍යා අංශය මඟින් වාර්ෂිකව සංවිධානය කරන තාරකා විද්‍යා වැඩමුළුව මෙවර 2018 දෙසැම්බර් 16 වන දින නවීන තාක්ෂණය පිළිබඳ ආතර් සී ක්ලාක් ආයතනයේ දී පැවැත්වුණි.

පාසල් සිසුන් අතර තාරකා විද්‍යා දැනුම ප්‍රචලිත කිරීම සඳහා, තාරකා විද්‍යාවේ මුලික සිද්ධාන්ත හා නිරීක්ෂණ ආවරණය කරමින් ශ්‍රී ලංකාවේ විශාලතම දුරේක්ෂය ඇතුළු  නවීන දුරේක්ෂ භාවිතා කිරීමින් සිදු කළ ප්‍රායෝගික ක්‍රියාකාරකම් ද  මීට ඇතුළත් වුණි.

image2018 12 128

S & T 70 විද්‍යා හා තාක්ෂණ අධ්‍යාපනික ප්‍රදර්ශනය

ශ්‍රී ලංකා විද්‍යාභිවර්ධන සංගමයේ 74 වන සැසි වාරයට සමගාමීව පාසල් සිසුන් සහ මහජනතාව සදහා වන“ S & T 70 විද්‍යා හා තාක්ෂණ අධ්‍යාපනික ප්‍රදර්ශනය” කොළඹ විශ්ව විද්‍යාලිය විද්‍යා පීඨ පරිශ්‍රයේදී පැවැත්විණි. ඒ සදහා ආතර් සී. ක්ලාක් ආයතනයද ප්‍රදර්ශන කුටියකින් දායක වූ අයුරු අවස්ථාව.

Astronomy Olympiad  012018image3

කොළඹදී පවැත් වුණු විසිතුන් වන ජාත්‍යාන්තර තාරකා විද්‍යා ඔලිම්පියාඩ් තරගය

ශ්‍රී ලංකාවේ 70 වන නිදහස් සැමරුම කේන්ද්‍රකර ගනිමින් මෙම  වසරේ (වසර 2018) ජාත්‍යාන්තර තාරකා විද්‍යා ඔලිම්පියාඩ් තරගය, ශ්‍රී ලංකා විද්‍යාභිවර්ධන සංගමයේ මුලිකත්වයෙන්, විද්‍යා, තාක්ෂණ හා පර්යේෂණ අමාත්‍යංශයේ  අනුග්‍රහයෙන් ශ්‍රී ලංකාවේ තාක්ෂණ සහ පර්යේෂණ ආයතන සම්බන්ධ කරගනිමින්, අප රටේ ප්‍රථම වරට පැවත් වීමට කටයුතු සංවිධානය කෙරිණි.

ඒ අනුව විසිතුන් වන ජාත්‍යාන්තර තාරකා විද්‍යා ඔලිම්පියාඩ් තරගය 2018 ඔක්තෝබර් මස හය (06) සිට දාහතර (14) දක්වා ජාත්‍යාන්තර ප්‍රමිතියට අනුව දින දහයක කාලයක් තුළ ශ්‍රි ලංකාවේ පැවැත් වූ අතර මෙහි අහස නිරීක්ෂණය මත පදනම්වූ  තාරකා විද්‍යාවට  අදාළ පරීක්ෂණය මොරටුව ආතර් සී. ක්ලාක් ආයතනයේදී පැවැත්විණි.

තරඟ සංවිධායක කමිටුවේ සාමාජික මොරටුවේ ආතර් සී ක්ලාක් ආයතනයේ  තාරකා විද්‍යා අංශයේ  පර්යේෂණ විද්‍යාඥ  ජනක අඩස්සූරිය මහතා.

   ජාත්‍යාන්තර  තාරකා විද්‍යා ඔලිම්පියාඩ් තරගය මෙවර පැවැත්වෙන්නේ 23 වරටයි.  සාමාන්‍යයෙන්  වාර්ෂිකව  කිසියම් රටක්  මෙම තරගය පැවැත්වීමට සත්කාරක රට ලෙස තෝරා ගන්නවා. මෙවර  ශ්‍රී ලංකාව සත්කාරක රට ලෙස මෙවැනි ජාත්‍යාන්තර තරගයකට තෝරා ගැනීම  විශේෂත්වයක් මෙන්ම ශ්‍රි ලංකාවට අභිමානයක්. මෙම තරඟයට ලෝකයේ රටවල් 22 ක පාසල් සිසු සිසුවියන් 85 දෙනෙක් සහභාගී වුණා.එක රටකින් උපරිම වශයෙන් පස්දෙනෙකුට සහභාගී වෙන්න අවස්ථාව තියනවා. මෙම තරගය ප්‍රධාන කොටස් තුනකින් සමන්විතයි. ඉන් පළමු වැන්න තමයි තාරකා විද්‍යාව හා සම්බන්ධ න්‍යායාත්මක පරීක්ෂණය මෙහිදී තාරකා විද්‍යාව හා සම්බන්ධ න්‍යායාත්මක කරුණු පිළිබඳ ලිඛිත පරීක්ෂණයක්  පැවැත්වෙනවා.  දෙවැන්න  අහස නිරීක්ෂණය කිරීමේ පරීක්ෂණය. මෙහිදී දූරේක්ෂ භාවිත කිරීමෙනුත් හා පරිගණක මෘදුකාංග භාවිතයෙනුත්  අහස නිරීක්ෂණය සිදු කෙරෙනවා. තුන් වැන්න ප්‍රායෝගික පරීක්ෂණය. මෙම පරීක්ෂණයේදී කෙරෙන්නේ  කිසියම් විද්‍යාඥයෙක් භාවිත කරපු දත්ත  ප්‍රයෝජනයට ගැනීමක්.  මොකද තාරකා විද්‍යාව කියන්නේ ප්‍රායෝගික විෂයයක්. ඒ නිසා ප්‍රායෝගික දැනුම හා පළපුරුද්ද අත්‍යාවශ්‍ය වනවා. ඒ නිසා  මෙවර තරගයේ දී භාවිත කෙරෙන්නේ  ආතර් සී ක්ලාක් ආයතනයේ ප්‍රධාන දුරේක්ෂය මගින් ලබා ගත්ත දත්ත වීමත් විශේෂත්වයක්.

ජයග්‍රාහකයින් තේරීම

අහස නිරීක්ෂණය මත පදනම් වූ විභාගය ආතර් සී.ආයතනයේ පැවැත්වූ ආකාරය ඡායාරූප වල දැක්වෙන අතර ,මෙදින ඇති වූ අයහපත් කාලගුණය නිසා ආතර් සී. ක්ලාක් ආයතනයේ දුරේක්ෂ හැසිරවීම පිළිබඳව පරීක්ෂණ ආයතනයේ ශ්‍රවනාගාරයේදී සංවිධානය කරන ලදී .මේ සඳහා නවීන දුරේක්ෂ 10 පමණ භාවිතා කරන ලදී.

මෙම ජාත්‍යාන්තර ඔලිම්පියාඩ් තරඟාවලියේ අහස්  නිරීක්ෂණ  පරීක්ෂණයෙන් ප්‍රථම ස්ථානය ඇතුළු විශේෂ සම්මාන කිහිපයක්  දිනා  ගැනීමට  ශ්‍රී ලාංකික සිසුන්ට හැකි වීම විශේෂත්වයකි. එම අහස්  නිරීක්ෂණ  පරීක්ෂණයෙන් ප්‍රථම ස්ථානය එස්.එස්.සෝමබන්දු සිසුවා විසින්  දිනා ගැනීම මෙන්ම ඩිප්ලෝමා අංශයේ  දෙවැනි මට්ටමේ තරඟයෙන් රිදී පදක්කමක්ද ඔහු විසින්  දිනා ගැනීම වැදගත් සිදුවීමකි. මෙම තරඟාවලියේ ඩිප්ලෝමා අංශයේ තුන්වෙනි  මට්ටමේ තරඟයෙන් එච්.ටි.එස්.ඩි.ප්‍රනාන්දු  සහ ඒ.එන්. නානායක්කාර යන ශ්‍රී ලාංකික සිසුන් දෙදෙනාට ලෝකඩ පදක්කම් හිමි වීම  තවත් වැදගත් සිදුවීමකි.

ආතර් සී.ක්ලාක් ආයතනයේ පැවති ඔලිම්පියාඩ් තාරකා විද්‍යා ප්‍රායෝගික පරීක්ෂණයේ අවස්ථා.
image1

14 වන ජල රොකට් තරඟාවලිය සඳහා ශ්‍රී ලාංකා කණ්ඩායම සිංගප්පුරුව බලා පිටත්ව යයි.

2018 වර්ෂයේ නොවැම්බර් 02 සහ 03 දින සිගප්පුරුවේ පැවැත්වෙන 14 වන ආසියා  ශාන්තිකර කලාපිය( APRSAF) ජාත්‍යන්තර ජල රොකට් තරඟයට තේරී පත්ව ඇති ශ්‍රී ලාංකික තරඟකරුවන්  හය දෙනා සහ පාසල් ගුරුතුමා ඇතුළු කණ්ඩායම සිංගප්පුරුව බලා පිටත් ව යති.

  ජල රොකට් සැදීම, නියමිත ඉලක්කයට රොකට් පතිත කිරීම ආදිය  පිලිබඳ පුර්ණ දැනුමක් ලබා දීමේ සිට  ජාත්‍යන්තර ජල රොකට් තරඟයට තරඟකරුවන් ඉදිරිපත් කිරීම දක්වා වන සියලු කටයුතු සිදු කරනු ලබන්නේ ආසියා ශාන්තිකර කලාපිය අභ්‍යවකාශ සංසදයේ   සාමාජික (APRSAF) ශ්‍රී ලංකව තුළ නවින තාක්ෂණය ප්‍රචලිත කිරීමේ පුරෝගාමී ආයතනය  වන  නවින තාක්ෂණ පිලිබඳ ආතර් සි ක්ලාක් ආයතනය යි.

ශ්‍රී ලංකාවේ අභ්‍යවකාශ විද්‍යාව නංවාලීම අරමුණු කරගෙන ආතර් සි ක්ලාක් ආයතය මිට අවුරුදු  14  කට පෙර ජල රොකට්  හා  ඒ හා  සම්බන්ධ ක්‍රියාකාරකම් ශ්‍රී ලංකාවට හඳුන්වා දෙන ලදී. මේ දක්වා ආතර් සි ක්ලාක් ආයතනය   මගින් ජපානය(2005), ඉන්දුනීසියාව(2006), ඉන්දියාව(2007),වියට්නාමය(2008),තායිලන්තය(2009)ඔස්ට්‍රේලියාව (2010),සිගප්පුරුව(2011), මැලේසියාව(2012), වියට්නාමය(2013), ජපානය(2014), ඉන්දුනීසියාව(2015), පිලිපීනය(2016), ඉන්දියාව(2017) යන රටවල් වල පැවති තරඟ සඳහා අප රටේ තරඟකරුවන් විශාල  පිරිසක් සහභාගී කරවා  ඇත.

පසුගිය වසර වල පැවති ජාත්‍යාන්තර ජල රොකට් තරඟ  සැලකීමේදී 2005 වසරේ ජපානයේ පැවති තරඟයෙන් 3 වන ස්ථානයත්, 2009 වසරේ තායිලන්තයේ පැවති තරඟයෙන් 4 සහ 5 වන ස්ථානත්, 2015 වසරේ ඉන්දුනීසියාවේ පැවති තරඟයෙන් 2 ස්ථානයත් දිනා ගැනීම සහ  2017 වසරේ ඉන්දියාවේ පැවති තරඟයේදී ශ්‍රී ලංකාවට ප්‍රථම ස්ථානය  දිනා  ගැනිමට හැකි වීම  අප ලද සුවිශේෂී ජයග්‍රහණයන් ය.

 ආතර් සී ක්ලාක් ආයතනයේ  පසු ගිය දා පැවැත් වූ ජාතික ජාතික ජල රොකට් තරඟයෙන් ලියාපදිංචි පාසල්, තාරකා  විද්‍යා සංගම්  නියෝජනය කරමින් පාසල් මට්ටමින් ඉදිරිපත් වූ  තරඟකරුවන් අතරින් ජයග්‍රහණය කළ සිසු සිසුවියන් හය දෙනා සහ ඔවුන් සමඟ සහභාගී වන ගුරුතුමා සඳහා සිංගප්පුරුව බලා පිටත් විමට පෙර  විශේෂ හමුවක් ආතර් සී. ක්ලාක් ආයතනයේදී පැවතී අතර ඉන් අනතුරුව ආයතනයේ නිලධාරින් සමග සමුහ ඡායාරූපයකට පෙනී සිටි අවස්ථාව මෙහි දැක්වේ.

image1

මෙම තරඟ කණ්ඩායම පසු පෙළ වමේ සිට පිළිවෙලින් සෙවනගල සෝමාදේවී මහා විද්‍යාලයේ  චතුර නිර්මාල් රණසිංහ, කැකිරාව මහා විද්‍යාලයේ සි.එම්.ඒ.කේ.චන්ද්‍රසේකර, ඇහැලියගොඩ.මාධ්‍ය මහාවිද්‍යාලයේ එස්.එම්.ටි.එස්.බි.සමරකෝන්, සෙවනගල සෝමාදේවී මහා විද්‍යාලයේ විද්‍යා ආචාර්ය නුවන් ශ්‍රීලාල් මහතා, ගාල්ල ඇලෝසියස් විද්‍යාලයේ  කේ.වී.සචින්ත සුසදී ජයකොඩි, ගින්තොට විද්‍යාලයේ  ඩබ්ලිව්.තරුෂ දීල්හාර ද සිල්වා, ගාල්ල සංගමිත්තා බාලිකා විද්‍යාලයේ එම්.ඩබ්ලිව්.තරිංසා තියමිනි දැක්වේ. පළමු පෙළ වමේ සිට ආතර් සී. ක්ලාක් ආයතනයේ පර්යේෂණ විද්‍යාඥ චන්දන පිරිස්, පර්යේෂණ විද්‍යාඥ ඉන්දික මැදගංගොඩ, වැඩ බලන අධ්‍යක්ෂ ජනරාල් හිමාලි අතාවුද, ජේෂ්ඨ පර්යේෂණ විද්‍යාඥ සරාජ් ගුණසේකර මෙහි  දැක්වේ.

තාරකා විද්‍යා අංශය

ආතර් සි ක්ලාක් ආයතනය

Techno2018image6

TECHNO SRI LANKA 2018 EXHIBITION AT BMICH

DSC_1478jpg_800

2018 Get together

DSC_1246

21 වන සියවසේ දිර්ඝතම චන්ද්‍රග්‍රහණය නිරීක්ෂණය කිරීම තන්තිරිමලේදී.

පූර්ණ චන්ද්‍රග්‍රහණයක්, නැරඹීමේ විරල අවස්ථාවක් ශ්‍රී ලංකා වාසීන්ට 2018 ජුලි මස 27 වන පොහෝ දින වූදා වු අතර එය රා.ත්‍රී 10.45ට ආරම්භ වී ජුලි 28 වන දින අලුයම 4.58 දක්වා පැවතුණි. ආතර් සී ක්ලාක් ආයතනය මගින් මෙම විරල චන්ද්‍රග්‍රහණය නවීන දුරේක්ෂ අධාරයෙන් නිරීක්ෂණය කිරීමේ කඳවුර තන්තිරිමලේ, ඇලයාපත්තුවේදී සිදු කළ අතර එහි අවස්ථා මෙහි දැක්වේ.